* San Balentin . . .

Zer da San Balentin eguna? Maiteminduen eguna? Pertsona batek beste bat maite duenean maitemindua dago? Alaba batek bere ama maite duenean bezala? Aita batek bere alaba maite duen bezala? Biloba batek bere amama maite duen bezala? Egun bakarrean gertatzen al dira egoera hoiek? Une batez bakarrik sentitzen al dira emozio horiek? Urte askotako harremanak ez al du maitasun hori? Ez al genioke elkarri maite gerala eta elkarrekin gustura gaudela esan beharko? Maitatua sentitzea ez al da gauza polita? Eta norberak beste bat maitatzea? Egoera zailetan ere ondokoa maitatzen denean San Balentin ospatu beharko genuke? Pozik gaudenean albokoarekin ere San Balentin ospatu behar degu? Eta maitatuak sentitzen geranean? Une horietan ere bai?

Beraz, San Balentin eguna ez al litzateke urteko 365 egunetan ospatu beharko?

[Maitxia - Bilbo]

Denbora librea

Une batzuk norberarentzat hartu beharrekoak izaten dira. Barnera begiratu behar da. Ez gera ohartzen baina astia hartu behar degu guregan pentsatzeko. Beti alde batetik bestera, gauza bat egiten eta beste batengan pentsatzen.

Esnatu, jaiki, gosaldu, jantzi, preparatu, korrika egin, busa hartu, korrika egin, unira berandu, irakasleen azalpenetan pentsatzen edo egin beharreko beste gauzetaz pentsatzen, korrika egin, busa hartu, jetsi, ogia erosi, pixura iritsi, bazkaria egin, bazkaldu, lanak egin, erosketak egin, gela jaso, afaria egin, afaldu, dena jaso, ordenagailuan ibili eta lo.

Benetan hartzen al degu guretzako denbora? Zermoduz sentitzen geran galdetzen al diogu gure barrenari? Gauzak presaka egiteaz ez al gera nazkatzen?

Beti etorkizunera begira, beti gauzak antolatzen, hurrengo egingo dezuna pentsatzen. Eta oraina? Ez da garrantzitsua ala? Ez al da inportantea unean duzun momentuaz disfrutatzea? Zure beharretarako denbora hartzea ez al da ona norberarentzat? Denbora librea ez al da ona norbere barrena ezagutzeko? Zerbaiti begira gelditzen zarenean ez al da ona barruari galdetzea ea zemuz sentitzen den? Pozik dagoen, triste dagoen, sensible dagoen, amorratuta dagoen, harro dagoen, gaizki dagoen, ongi al dagoen, lasai dagoen.

Beste gauzak alde batera utzi eta pentsatu zugan, zure barrenarengan, hausnartu zure ekintzak, zure jarrerak, zure helburuak, zure arrazoiak.

Honela, lasaitasunaren bila arituko zera.

[Lisboa - Portugal]

Musikak garamatzan mundua

[Ander - Elorrixa]

Abestiek beste lekuetara garamatzate, beste mundu ezberdin batera, beste lurralde batera, gustura sentiarazten gaituzte, ingurukoekin lasai egotera garamatzate, lasaitasunera garamatzate . . .

Negua

Hotza da nagusi, tenperatura hotzak,
eskuetako azala gogortzen da, sudurra gorritu,
dardarka daukazu gorputza, ezin geldirik egon,
berotasunean sartu nahi dezu, lasai egon nahi dezu,
ondokoarekin besarkatuta gustura zaude baina ezin honela egon egun osoan,
hotza sartzen zaizu belarrietatik, baita begietatik ere,
eskularruak behar dituzu, ezin berotu zabiltza,
tenperatura egokian egon nahi dezu, ez dezu hotzik nahi behatz puntetan,
gradu eramangarrien bila zabiltza, berotuko zaituen edozein txokoren bila,
lasaitasunaren bila . . .

[Itziar]

Jabitturi bihotzez . . .

Jabittu nora zoaz eder galant hori?
Tabernara Bartola nahi badezu etorri.
Tabernan zer dago?
Sagardo gozoa,
biok edango degu
botila osoa.